【好姊妹聚會】 宮崎日式燒肉店

14 November 2017(TUE)

突然抽到個引好想食放題，所以就相約好姊妹行一轉旺角，嚟宮崎日式燒肉店輕輕鬆鬆享受一個LADY NIGHT啦~

其實我地都係第一次嚟，不過係網上就見到好多朋友仔介紹，所以就跟風試一試啦。


一入到餐廳就見到一隻超可愛嘅石敢當呀~

我地嘅坐位都幾舒服，自成一角咁，就唔怕嘈到其他人啦~

食放題最重要就係多款式，依度都幾多選擇哦~

飲品種類同樣多花樣，仲連啤酒都有得任飲呀~

蔬果同小食就以自助形式提供，佢地仲添加得好密，真係隨時去到有得拎呀~

先嚟一份刺身拼盤，一見到都睇到我地嘩..嘩聲，因為份量好足，而且又好新鮮呀~

三文魚勁肥美呀~

當然唔少得我地嘅燒肉，牛肉片同豚肉片都好新鮮呢~

另外其他肉類都超新鮮，而且醃得都好入味，燒完都唔洗點醬汁都已經好好食呀~

我地真係開心密密燒~

除左肉類我地仲叫左啲海鮮~

燒海鮮都唔錯呀~

食完仲可以食杯雪糕(不過就每人只限食一杯，如果可以多啲啲就好了)~

超滿足的一個晚上，食等飽飽又傾得興奮，如果唔係夠鐘我想我地仲有排坐有排傾。

平日食完韓燒最怕就係嗰一陣燒烤味會跟埋返屋企，不過今日又唔覺有依個情況，就連頭髮都冇乜味，依一點就係我地最驚喜之處。