Kinseymama's LIFE: 【產品試用】Atorrege AD＋舒敏補濕孖寶

2017年11月19日星期日

19 November 2017(SUN)

作為一個平日唔多勤力(其實係冇乜時間)護膚嘅傻媽，真係好需要超強嘅補濕系列產品，可以簡簡單單令到皮膚靚靚，唔洗塊面乾爭爭咁啦！

早前好朋友就向我推介來自日本樂敦家族醫學護膚品牌Atorrege AD＋，而且仲安排我試用Atorrege AD＋嘅舒敏補濕孖寶添~

坦白講，一聽到日本樂敦家族就令我諗起眼藥水，不過原來佢地仲有一個研發「醫學護膚品」的醫學品牌 - Atorrege AD＋。佢地嘅產品係冇加入人造色素或人造香料，而且完成後都一定要通過「人體細胞安全測試」先推出，咁就可以確保產品絕無毒性及安全，所以產品就連孕婦及嬰兒都可以用呀！

舒敏補濕孖寶嘅特點除左係有補濕效果之外，仲有效止痕止癢，抗敏並抑制有害細菌繁殖，改善痘痘炎症、發熱發紅等問題。

聽落又真係好似幾啱我，因為天氣一轉我塊面就會超乾，而且又勁生粒粒，所以趁依個機會試下係咪可以邊補濕邊改善粒粒啦！

Skin Solution淨肌舒敏精華~

有效控油及抑制細菌滋生，舒緩紅腫熱癢等症狀。同時又可以平滑肌膚及收細毛孔，增強肌膚防禦力，減低肌膚轉季時嘅過敏不適~

包裝內附有小杓，咁就可以乾淨又衛生啦~

嘅質地比較水潤，而且我最鐘意就係完全冇氣味~

由於較為水潤，所以都非常易推，而且皮膚都吸收得好快，感到滋潤得嚟又唔會太笠~

每日早晚潔面之後，用小杓取出大約一蚊份量，然係將淨肌舒敏精華推開至完全吸收，另外我係面上出粒粒位置就厚敷一層。

用後除左覺得皮膚唔會好乾之外，我覺得啲粒粒係有點改善，唔再繼續狂出之外，嗰啲紅印同爆瘡印都淺左啲呀！

Moist & Calming Mask舒敏補濕面膜~

每片含16ml高濃度補濕舒敏成分，有效舒緩各種痘痘炎症及過敏症狀包括發紅、班疹、發熱、乾燥、痕癢等~

一盒有五片，每星期使用2次，如果皮膚出現嚴重過敏時可以每天持續使用~

紙面膜就最怕佢唔夠貼面，或者太大又太細，咁就會敷得唔舒服之餘，又令皮膚唔可以均勻。不過依個舒敏補濕面膜又好似同我幾夾，如果咀巴位可以細返少少，咁就FIT晒~

面膜的精華適中，唔會有水滴滴感覺，每次敷大約十分鐘，就掉下面膜，然後輕輕按摩等剩餘嘅精華可以更加吸收。

用後覺得皮膚都好似補充返好多水份，而且仲覺得滑嫩左啲啲，粒粒亦都明顯淺左好多，最好就係完全唔會笠黏黏，好啱依個時候用呀！

整體上AtorregeAD＋舒敏補濕孖寶都唔錯，敷得舒服又冇出現任何敏感情況，同我都啱哦！

2017年11月19日星期日