28 AUGUST 2017(MON)
作為一名煮婦,但其實我對廚具唔係太講究,對我嚟講方便同埋用得到就可以,如果唔係用具壞左,我地未必會留意依家啲新家電(其實可能係我有選擇恐俱証....哈哈哈)。
如果唔係今次依個試用機會,我都唔知原來電飯煲都可以用納米石瓷嚟煲飯添~
用途都幾多,可以煮白米、糙米、絲苗米、日本米、糯米、煲仔飯/糖水/湯/多個煲粥(包括有味粥)功能,同時亦可以將冷飯翻熱~
內膽採用第四代石瓷燒內鍋技術,加入先進納米科技令內鍋具不黏、抗菌、抗磨損~
另外,系統亦都係以木炭式烹調技術,配合遠紅外線在鍋內作滲透反射,煮出嚟嘅食物可以有更好發揮,所以會更加好美呀~
睇介紹就當然唔及親身試用咁來的好,所以就試下煲飯啦!由於我依個係4L SIZE,所以最少要煲2杯米(即4碗飯)。
煲飯最怕就係唔識量水位,可以利用內膽嘅水位刻度顯示,咁就可以方便加入適當嘅水量~
由於採用微電腦智能式,因應需要按下所需嘅程式,就可以開始煲飯啦~
當煮飯完畢後(過程大約45分鐘),便會自動跳至保溫,同時保溫燈亮~
煲好啦...就當然要睇下啲飯煲成點~
睇落又真係同我平日嘅飯係有啲啲唔同,用納米石瓷煲出嚟嘅飯又真係好似粒粒啲,唔會一舊舊咁呀~
由於石瓷燒內鍋內膽,可以令飯保溫更耐,所以煲好之後就可以關上電源,飯粒都仍然可以KEEP住保溫而且又唔會影響飯粒質感(我試過兩小時之後,飯粒都仍然可以有微溫呀)~
飯除左係一粒粒之外,煲出嘅飯都冇生米感覺,而且啖飯質感都軟硬適中~
整體上我除左飯嘅口感唔錯之外,我最鐘意就係佢冇痴低(而且仲好易洗),基本上2杯米煲起後都可以食晒,唔會浪費呀~
煮白米效果就真係唔錯,不過鐘意煲湯嘅我都有興趣試下佢嘅煲湯功能,等我搵日買齊材料試下,到時再同大家分享啦!
More Information :
沒有留言:
發佈留言