【小籠包控出動】滿足的南小館

9 AUGUST 2017(WED)

我同小小豬都好鐘意食小籠包，見返興趣班附近開左間新上海食店(又或者可能我，所以就入去食個靚午餐啦~

 

新店環境都唔錯，好在我地早一步到咁就唔洗等位，估唔到未到午餐時間都已經好多人啦~ 

 

小小豬話要自己揀下食乜先~

 

藍莓乳酪就最啱小小豬口味~ 

 

我就簡簡單單嚟一杯豆漿啦~

 

四式拼盤係自己組合嘅，小小豬就話最鐘意食糖醋排骨，酸酸地又夠入味。我就比較鐘意那個花鵰醉雞，雞肉都幾嫩滑，而且帶有少少酒香添~

 

小籠包控就當然要食小籠包，我地豪豪地叫左一份黑松露小籠包~ 

 

認真我都覺得幾好食，粉皮唔算太厚粉，入面嘅肉又帶有黑松露香味，而且內裡仲保持雞湯肉汁，所以唔覺唔覺小小豬都密密食，我都只係食左一粒~

 

我只係食一粒就緊係唔夠，所以就叫左小館五福拼滿足下自己~ 

 

一籠一件又幾得意，啱晒我依啲想食多花款但又怕食唔晒嘅人呀~

 

其實五款都好好食，不過我個人就比較鐘意蟹粉小籠包同埋鮮肉帶子小籠包多啲~

 

最後嚟一個雪菜黃魚麵，依個就一定要俾個LIKE店員哥哥，佢見有小朋友同場，佢就主動提意我將魚肉分開上，因為怕魚仍然有未清得晒啲，如果到時混埋麵一齊，擔心小朋友會易食到骨，估唔到又幾細心哦~

 

食完正餐就當然唔少得甜品，所以我就南小館甜甜拼，兩款奶凍拼兩款甜點都幾抵食~ 

 

小小豬嘅係杏仁奶凍，佢話好好食，轉眼就食晒~

 

我就食芒果布丁奶凍，估唔到入面有勁多芒果肉呀~

 

甜點我仲揀左南瓜餅同紅棗糕，兩款都OK，不過小小豬就最鐘意南瓜餅，緊係啦...成個小南瓜咁賣相又靚又好味，我地一人一粒唔洗爭~    

 

開開心心食飽飽，小小豬話下次帶埋DADDY再嚟食過，到時一人一籠小籠包！(係就好呀...我今日真係食唔晒喉，俾隻為食豬食晒呀)