【慢磨有營果汁】羽衣甘藍蘋果汁

11 AUGUST 2017(FRI)

成日聽朋友仔話羽衣甘藍好有益，所以上次係街上果汁店見到就想買杯嚟試，點知一杯就已經要差唔多$40，咁貴就當然唔捨得買。

剛好屋企剛剛有部新玩具 - 飛利浦慢磨榨汁雪葩機，所以就買齊材料自家制俾小小豬飲啦~

 

材料好簡單，只需要兩個蘋果同埋兩片新鮮羽衣甘藍就得啦~

 

羽衣甘藍被譽為超級食物，含豐富纖維、維他命、鐵質和葉酸，而且卡路里極低，有研究指它還有助降低壞膽固醇。生食羽衣甘藍菜就最有利於抗癌，所以飲多啲羽衣甘藍果汁就最健康。

我係有機店買的，一包大約可以整三杯，都係大約$40，所以自己買嚟整就抵啲啦~

 

將羽衣甘藍徹底清洗乾淨，然後撕開細細片~ 

 

蘋果洗淨去芯，然後切成細塊(由於係用慢磨榨汁，所以可以連皮一齊榨，啱晒我依啲懶人)~

 

分批將蘋果及羽衣甘藍放入管內~

 

透過榨汁螺芯攪動，話咁快就可以榨出果汁啦~

 

眼見榨出嚟嘅果汁都幾滑身，唔多覺佢有好多渣~

榨出來嘅果渣都看似幾乾身，可能就係經微壓榨技術，所以榨到高達90%的純鮮果汁，保留更多纖維素同營養~

  

睇落就好似幾靚，唔知味道係點呢~

 

其實初時都好擔心有嗰一陣草味會好難飲，但飲落又好似同普通蘋果汁冇分別，甜甜地都幾好飲，小小豬話咁快就KO晒成杯啦~

一杯健康又好味嘅果汁話咁快就完成，飲多啲果汁對身體都有益，自家制就仲可以慳啲啲，所以依家屋企成日都買好多生果，只要有時間就可以榨果汁三口子齊齊飲啦！