【自己動手做玉桂狗曲奇】Cinnamoroll x Foodfie 甜甜烘焙坊

19 AUGUST 2017(SAT)

作為一名玉桂狗粉絲就當然密切留意佢嘅動向，剛好今年就係玉桂狗15週年嘅大日子，所以零食物語就同Sanrio齊齊係Foodfie煮播室舉辨成甜甜烘焙坊，自己動手做玉桂狗得意造型壓模曲奇。

有得整曲奇仲要係整玉桂狗款，就緊係要同小小豬嚟玩返轉啦~

我地就嚟到利東街OkashiLand參加工作坊~  

 

原來工作坊可以整玉桂狗造型壓模曲奇，或玉桂味巨型甘大滋。雖然兩樣我都想整，不過都係壓模曲奇吸引啲...哈哈哈~ 

 

其實一踏入Foodfie煮播室，就已經有好多玉桂狗佈置~

 

上到二樓仲更加多玉桂狗呀~ 

就連天花燈、電腦同埋凳都有玉桂狗蹤影呀~

 

當然唔少得馬卡龍玉桂狗啦~

夠鐘就可以入廚房整曲奇啦~   

導師一早就為我地準備好晒所有材料~

 

首先就緊係睇導師示範，導師真係好利害，三兩下手腳就已整好壓模曲奇~

 

心急嘅小小豬就當然好想快啲可以動手，所以導師一話開始，佢就已經開始啦~ 

 

其實初段小小豬都唔係太掌握到，最後經導師再貼心教導，好快就上手，之後就好努力咁搓麵團印曲奇啦~

 

除左兩個玉桂狗係我整之外，其他嘅都係小小豬印壓，睇落都好似幾好，起碼有返個樣睇...哈哈哈~

 

之後就交俾導師幫我地拎入爐焗~

 

依個時候我地都唔會悶，因為可以去整個人化包裝盒呀~

 

影張相同埋打少少字句就可以啦~ 

 

之後仲可以即刻PRINT出嚟添~

 

時間剛剛好，整完包裝盒啲曲奇就出爐啦~ 

 

用朱古力漿同小糖果去設計我地整嘅曲奇呀~

 

平日依啲微細位小小豬都總係隨隨便便咁去做，不過今次佢又做得幾細心，仲好努力咁為每塊曲奇扮靚呀~

 

完成左之後，導師就幫我地包裝好曲奇，然係放埋係個人化嘅包裝盒內，真係好靚呀，小小豬仲唔俾我食添~ 

 

除左有一盒靚靚曲奇之外，仲有CinnamorollxFoodfie證書同埋即影即有相一張~

 

由於我地好少同小小豬整曲奇依啲玩意，所以唔多唔少都有點點擔佢做唔到(或者整到一舊舊咁)。不過好在有導師慢慢教佢，小小豬又好似有文有路咁，仲整得唔錯，所以製成品都算見得下人，見到盒靚靚整成品，都真係超級滿足呀！

不過話時話，小小豬整完依盒靚曲奇之後不停望實，從佢望住啲製成品嘅眼神感受到佢嗰一份興奮，睇見佢依啲眼神，不得不承認....小小豬真係開始大個仔啦！

More Information :
Cinnamoroll x Foodfie 甜甜烘焙坊
日期丨8月18日至 12月31日
地點丨香港灣仔皇后大道東200號利東街地下G14-15號1樓 (合和中心對面)
詳情丨活動查詢電話：6532 7271