一踏入六月就係即係考試嘅季節,陪小小豬兩父子溫習時,我睇返之前買左嗰本「孩子飲食全書」,入面教左一個可以養心安神嘅涼茶,一聽個名就諗都唔諗,買齊材料煲俾小小豬飲啦~
我都唔係一個怪獸媽媽,考試係會有少少緊張,不過都唔力俗小小豬。雖則話唔俗,但都總係要同佢溫下書,養成一個正確考試態度。但.....小小豬最大問題就係佢過份急性同埋非常衝動,對住份考試卷都可以神速做晒,所以好多時明明啲題目係識嘅都會因為佢嘅急性就會答錯,所以有時都真係教到我同老公都忟忟地。
我都唔係在乎小小豬要考得一百分,只希望佢有盡力同進步就得。唉......個仔係自己嘅,唯有嬲完忟完又繼續努力教啦!(噢....好似離左題添,不過請容許我呻一下啦)
所有藥材浸洗;紅棗去核~
煲內放約1.5L水,待水滾後加入所有材料(冰糖除外)~
繼續用大火加蓋煲約15分鐘~
之後轉慢火加蓋煲多1.5小時~
最後就因應個人口味加入適量嘅冰糖,再煲多10分鐘(我個人認為只需要加一粒冰糖就足夠了)~
煲好後先隔去材料,待涼後就可以飲啦~
其實依個分量都只係一人份量,煲出嚟大約就有兩杯,咁小小豬就好乖乖咁早晚飲一杯。雖然唔知係咪真係會對養心安神有幫助,不過飲左嗰一晚小小豬又真係特別快入睡,唔知係咪心理上感覺呢....哈哈哈。
味道方面都唔幾OK(我當然都有試飲半杯仔),入口有淡淡嘅紅棗味唔會太濃,又有少少麥米茶香,所以小小豬都唔抗拒,齊齊就飲晒啦!
溫馨提示:
– 由於個別人仕體質不同,所以大家記得煲之前了解下自己,如有疑問,請先向註冊中醫查詢!
沒有留言:
發佈留言