PASS 左啦

8 JUNE 2010 (TUE)

係上星期六去左化驗所做血糖測試，等左幾日終於到左出報告嘅日子。

根據一向醫生做法，如果報告有問題先會打俾我。當然冇收到電話係一件好事，不過始終都係心掛掛，所以終於都係忍唔住，食完LUNCH之後就打電話去醫務所問個報告。

姑娘話剛剛收到我份報告，我個報告顯示一切正常，血糖冇高，等下次產檢時醫生先再慢慢解釋我聽。

聽到真係勁開心，由我知道有左小小豬之後，我都好怕會有妊娠糖尿(因為我之前係勁鐘意食甜嘢)，所以都已經戒晒所有甜食，就連我至愛檸檬茶都唔敢飲。依家知道個報告正常，都覺得咁辛苦戒口都係值得呀！

雖然係冇問題，不過我都會繼續小心飲食，繼續戒口，等小小豬可以有一個好環境繼續生長！