時代廣場的反斗奇兵

21 JUNE 2010 (MON)

係銅鑼灣做完產檢，所以當然唔少得去時代廣場行個圈，去影吓最新嘅反斗奇兵啦！

我地六點去到，原本都以為唔會太多人，可以慢慢影，不過銅鑼灣始終都係人流好旺嘅地方，加上又有好多學生放早左，所以我地影嘅時候都已經係好多人。

就係因為人太多，大肥豬怕我俾人撞到，所以都只係隨便影左少少~

除左啲大型公仔外，會場仲展示左啲特別三眼仔公仔，不過真係太多人，所以都冇睇到就走啦！

唔緊要，安全要緊，有機會再出銅鑼灣又唔太多人嘅時候先再睇過啦！