回顧篇：第三次產檢

30 DECEMBER 2009 (WED)

等左兩星期，又到左去見醫生，今次除左大肥豬陪我之後，小豬媽都有一齊去覆診添。

記得上次醫生講過今次係可以見到小小豬嘅心跳，所以係未見醫生之前我都真係好驚張，唔知個心跳會係點呢？

等左一陣就可以入去見醫生，不過好唔好彩，因為我唔係太急小小，所以個膀胱唔可以托起小小豬嚟睇，所以唯有要係醫務所入面不停灌水，等左差唔多成個鐘先見做可以去再去照超聲波。

終於見到啦.....不過唔係我親眼睇到，因為小小豬仲係好細細，我要訓定定唔可以周圍郁咁個人俾醫生照，所以都只係大肥豬同小豬媽見到。

聽佢地講小小豬真係閃吓...閃吓...好得意，我仲見到佢地兩個望住個螢幕時個開心樣，我都已經好開心，証明小小豬係健康咁生長緊嘛！

經過今日個檢查，醫生確定左小小豬個預產期，係2010年8月20日，小小豬早我6日生日，哈哈。

下一次再見醫生就係一個月後，到時就係去做OSCAR。相信小小豬一定可以順順利利通過依個TEST呀！