迎月慶中秋

2 OCTOBER 2009 (FRI)

今日係迎月日，我地返左去小豬媽屋企食飯，預早慶祝中秋節。

今個晚餐真係好好餸，不過我地個主力唔係食嗰啲，反而係飯後嘅節目.......就係開餐食月餅啦！

睇下有幾多月餅，我就買左盒大班燕窩冰皮，契大佬就買左盒HELLO KITTY冰皮，最後一盒就係細佬買嘅HAAGEN DAZS嘅雪糕月餅，勁豐富呀~

大家對各種不同味道嘅味道都虎視眈眈，因為一粒都只可以切四分左右，所以要快手食自己鐘意嘅味道，不過咁都係大家為左攪吓開心氣氛咁啦。

講到最受歡迎，當時係我係雪糕月餅啦，我自己都係第一次食HAAGEN DAZS嘅雪糕月餅，真係好好食，只係覺得個朱古力皮就難切啲啦~

係度祝大家：中秋節快樂，人月兩團圓！