當鸚鵡魚遇上紅毛蟹

4 OCTOBER 2009 (SUN)

早係兩三個月之前，我地原本養緊嘅蘭壽金魚唔知點解係短短幾日就相繼離我地而去，為避再次引起大肥豬啲傷心事，所以我冇將依件事同大家講。

但既然買左個缸，冇理由唔養魚嘛，所以大肥豬收拾心情後，將魚缸清洗乾淨，做好晒消毒之後，我地就又再次買魚仔。不過今次大肥豬話唔再養金魚(可能係唔想觸景傷情啦)，改養另一個品種，就係依啲『鸚鵡魚』啦~

講真...我都唔係太鐘意依啲魚，都係啲肚仔脹卜卜嘅金魚得我歡心啲，不過冇所謂都係大肥豬養，佢鐘意就得啦！

原本今日出旺角行金魚街係想買多對『鸚鵡魚』，等個缸有八條魚，好似好意頭啲嘛。不過魚我地就睇唔啱，但大肥豬又有個新攪作，就係買左一隻紅毛蟹，仲話要放埋落個魚缸一齊養。

開頭我都反對，不過見大肥豬咁鐘意，加上個老板又話可以一齊養，所以就帶左依隻紅毛蟹返屋企啦~

一返到屋企，大肥豬就急不及待上演一輯『當鸚鵡魚遇上紅毛蟹』~

大肥豬仲話，如果紅毛蟹成功適應魚缸生活之後，下一步就係買烏龜仔，再之後就買迷你龍蝦仔，要將個魚缸變成海底世界咁話哦。

唉......真係唔知好嬲定好笑啦！哈哈~