又有新玩具

29 OCTOBER 2009 (THU)

我又嚟買左新玩具，真係開始覺得自己越嚟越敗家，成日都買買埋埋咁多玩具。

今期新寵就係萬勝節版SONY貓啦！(雖然知道佢係叫做TORO，不過都係鐘意見佢做SONY貓多啲..哈哈)~

原本都冇打算買依款公仔，不過係上星期旺角見到一對買$199時，覺得好似好抵，就有啲衝動買嚟影相玩吓，但考慮過後都係冇買到，因為依排都真係買左幾多玩具，屋企冇位放。

尋日同同事史迪哥哥傾開玩具經時，知道佢買左，仲係以$80友情價就買到。我見咁抵....當然叫佢幫我買番啦。

史迪哥哥仲好快手，尋日放工就幫我買左，等我今日就有得玩添。(真係麻煩晒呀~)

隻SONY貓真係好得意，同佢影住幾張相先啦~

依家攪到心思思想買埋黑色嗰隻添，不過算啦..有機會先啦，因為依排咁多玩具，佢地要排隊俾我影呀！哈哈~