與靚媽咪飯局

今晚約左小賢、車車同poodle食飯，一行四人進行靚太飯局。小M原本都出席，不過突然有事嚟唔到。不過唔緊要，仲俾機會我地再約食飯嘛！哈哈~

今次我地約左去尖沙咀間SNOOPY餐廳食嘢，間餐廳開左咁耐我都係第一次去食，真係大鄉理啦！佢地佈置都真係好得意，有好多SNOOPY呀！不過因為我地掛住傾計，冇乜點影相，所以有機會都要帶大肥豬去玩吓先得。

講番我地個飯局先，我地成晚都好似未停過嘴，乜都有傾，不過講得最多都係BB問題，因為我地當中有兩位係靚媽咪，分享左好多有BB嘅開心野俾我地聽，我地成日都細聲講大聲笑，好開心呀！真係感受都兩位靚媽咪嘅幸福呀！(大家唔洗問啦，我未有咁快打算做靚媽咪，哈哈~~等吓先啦！)

唔覺唔覺我地都傾左成兩個幾鐘，真係快樂不知時日過，下一次再飯局應該要等我大戰完東京先啦！