病夠未???

由新年開始，一直都病病地，睇醫生都睇到我怕啦！原本都以為自己已經好番晒，不過...又嚟過，真係好煩呀！

都唔知仲乜，尋晚可以話成晚都冇覺好訓，個喉嚨成晚都好鬼痛，仲不停係度乾咳，又唔敢咳太大聲，驚嘈醒大肥豬。真係唔知自己想點.....

今朝直頭出唔到聲，終於又要請假去睇醫生呀！唉....再係咁請假，就嚟俾老細列入黑名單啦！

真係病到成個人都好忟，究竟幾時先病好晒呀.....