又嚟購物啦

繼上次大肥豬大購物之後，今次終於可以到我啦！

今日要返奶奶度食飯，放工後見時間仲早，就去左行吓街街啦！

行過一間鋪頭，就諗起我同事曾經著過依間公司嘅得意衛衣，見佢地仲做緊特價，就入去八掛吓啦！

可能係特價關係，好多得意款都賣晒，一係就冇晒我SIZE。不過..佢地都算平，個質地又好似幾好，所以我都買左兩件衫仔，打算留番去旅行著呀！

返屋企執野先發現原來我係冇乜衛衣，件件都係裙仔同返工衫。真係要間唔中轉吓形象先得啦！(其實又係一個藉口俾自己買嘢呀~哈哈！)