【心意畫碟心太軟】Mr. Steak Buffet a la minute

16 OCTOBER 2018(TUE)

小小豬就最鐘意去食自助餐(因為唯一唔洗坐定定住全餐兼可以揀自己鐘意食嘅嘢....當然係甜品同雪糕)，所以當收到邀請時，依隻貪玩豬都不知幾喜歡，又可以邊玩邊食啦~

Mr. Steak之前都聽朋友提及好多次，不過我地就係第一次嚟食，唔知係咪朋友仔中口咁好味呢，所以我地都好有期望呀~

嚟到Mr. Steak最吸引我地嘅就當然係依個傳情達意畫碟嘅心太軟，小小豬直頭係企定定等師傅畫佢隻碟~

嘩...真係畫得好靚，再加埋個心太軟蛋糕，唔怪之得咁多人都嚟畫返隻嚟慶祝特別節日~

今期係以A4和牛做主角，我地就當然係先嚟即燒嘅火炙和牛壽司~

當然唔少得「山形牛」壽喜燒，雖然我唔食牛，不過兩位老細都食左唔少，佢地都話唔錯~

我就緊係主打任即開生蠔，雖然每次只限拎三粒，不過密密排就可以密密食啦~

味道都唔錯都好鮮味，不過....如果可以肥多少少就更加正啦~

當然仲有我另一喜愛，壽司同刺身種類都好多呀~

冷盤嘅海鮮都唔錯，而且種類都幾好，雪場蟹腳...大花蟹...，而且佢地回得都好快，所以慢慢食都可以啦~

熱食方面種類都算多(不過由於當日人太多，所以未能全部都影相同大家分享)，尤其係串燒..片皮鴨..燉湯...燒魔鬼魚都係我地三口子嘅推介~

睇小小豬密密食就知佢有幾鐘意啦~

芝士沙律吧都有好多唔同選擇呢~

我自己就當然對甜品有特別喜愛，佢款式都算多，而且又幾好食，唔算太甜啱晒我呀~

仲有滑滑豆腐花食添~

小小豬就對依一大碟啫喱情有獨鐘~

食左都唔知幾多轉啦~

最後食多杯雪糕咁就完美晒~

如果6人或以上，餐廳仲會送上生日蛋糕，而且仲會同我地齊齊唱生日歌，真係嚟得細心又溫馨呀~

同好朋友齊齊邊食邊玩，都真係一件嘗心之事呀~

整體上我都都依得好滿足，佢地嘅種類都幾多，我地就食足兩個半鐘，三口子肚仔都脹卜卜咁返屋企呀~