原本計劃係上年十二月去北海道睇雪,不過因為出機票方面有點阻滯,所以最後都未能成行,坦白講我同小小豬都真係勁失望,唯有寄望暑假再去玩,由睇雪景改睇花景啦!
我地嘅行程又要等多大半年,終於可以出發啦~
其實今次行程都有好多第一次,我地三口子第一次自由行去旅行,我地仲會第一次自駕遊,仲要第一次可以幸運地升級上商務客位,坦白講我咁大個女都係第一次坐商務,所以當空中服務員同我講依個消息時,我都有點難以置信呀!
開心事唔止一件,我地仲可以安排坐窗口位,嚟緊四個鐘嘅飛行旅程小小豬可以慢慢睇雲景啦~
小小豬咁大個仔都係第二次搭飛機,所以唔多唔少都有點緊張(其實我都驚驚地...哈哈),不過飛機起飛之後,佢個人都安定返晒啦~
當然啦..因為佢見到一片片好靚嘅雲海,真係好靚好靚,我地真係望左好耐好耐,好似啲棉花糖包圍住我地咁呀~
係飛機除左睇雲之外,小小豬仲可以破例睇好耐電視添~
不過佢地係睇至愛PEPPA PIG,咁就由佢啦~
睇完風景就到進餐時間啦~
啲食物都唔錯呀~
邊食邊睇電視,睇下小小豬幾歎~
終於嚟到北海道上空啦~
坐左大約四個鐘飛機,嚟到北海道啦~
落左機之後,可能因為係商務關係,所以我地就好快拎到行李,然後就開始我地七日六夜行程啦!
想知我地第一站去邊,就留意我下一篇【北海道親子之旅】啦!
沒有留言:
發佈留言