【老朋友的約會】樂在棋中五周年分享會

6 JULY 2017(THU)

如果大家有睇開我嘅網誌的話，相信都知道我地三口子就最鐘意玩桌上遊戲，小小豬仲係《樂在棋中》嘅超級FANS，佢基本上都擁有大部分《樂在棋中》所推出嘅遊戲，而且每一個嘅玩法都非常熟，好多時都係佢教返我轉頭添。 

今日依個小粉絲都不知幾興奮，因為可以參加樂在棋中五周年家庭桌上遊戲分享會，又可以同哥哥姐姐玩BOARD GAME啦~

 

我今年都已經係第三年應邀出席分享會，其實在於我立處都已經唔算係一個邀請活動，感覺就好似同一班老朋友見面，因為每一位職員哥哥姐姐叫見小小豬，佢地第一句都係會話：嘩...小小豬你大個仔左好多....好開心又見到你呀！ 

其實我比佢地更加開心，因為從佢地對小小豬笑容可以睇到一份關懷，我感受到各位哥哥姐姐一直都咁掛住同愛錫小小豬呀！ 

當然今次除左係聚舊之餘，Thomas(樂在棋中創立人)仲為我地介紹今年書展攤位位置同埋特點~ 

 

書展就當然可以一次過睇晒《樂在棋中》所推出過嘅桌上遊戲啦，我唔續一介紹了，如果想了解多啲可以睇返之前我其中一篇分享文呀(按此重溫)~

    

為左配合今年書展，仲推出左好幾款新桌上遊戲，依個小小豬仲要求我買俾佢，仲話玩多啲BOARD GAME有益添！(真係估唔到我平日成日講嘅說話，係要我買新GAME時識用返，都唔知讚佢好定嬲佢好)

 首先就以大澳及馬鞍山為藍本嘅康樂棋~

 

仲有最新款嘅港鐵緊急疏散篇同埋扶手電梯安全篇，依個唔洗買，只要去到書展現場，玩急口令小遊戲就可以得到啦~

 

除左康樂棋之外，仲有港鐵填色簿，同樣係玩小遊戲就得到啦~

 
除左桌上遊戲之外，今年仲第一次推出張保仔傳奇繪本，我睇過入面內容都好簡單，所以小朋友都可以自己睇呀~ 

 

仲有海盜幣，依個小遊戲都幾得意，家長可以先繪畫尋寶圖，然後叫小朋友係限時內尋回所有金幣，既可以加強家長同小朋友之間互動，都幾好玩哦~~

 

除左玩之外，我地仲食左一餐豐富晚餐添~

 

食飽飽又繼續玩，基本上屋企有嗰啲小小豬都熟到冇得再熟，所以今次佢就請哥哥姐姐教佢玩屋企冇嗰幾個，咁就可以練熟左之後.....叫我買啦~

 

除左因為自己鐘意同小小豬齊齊玩BOARD GAME所以咁支持《樂在棋中》之外，我個人都覺得佢地所推出嘅棋都好有香港原素，小朋友可以玩有益遊戲同時，又可以認識多點香港，都唔錯呀！ 

其實只要每日抽15-30分鐘，同小朋友玩下桌上遊戲，可以增加親子間互動之外，雙方都可以透過盡情享樂減減壓。我地一家都有KEEP住密密玩，總係覺得玩BOARD GAME好過玩手機，所以大家都齊齊玩啦！

More Information :
Website：http://www.pob.hk/
Facebook：https://www.facebook.com/pobhk?fref=pb&hc_location=profile_browser