【新學年有新書包】第二代 FX Space Walker 回彈減壓書包

9 JULY 2017(SUN)

上年正當我苦惱緊買咩款書包俾小小豬返小一用嘅時候，就收到FX Creations送比小小豬嘅Space Walker書包。

經過一年之後，我又正值思考緊應唔應該買個新書包升小二用時，就收到第二代 FX Space Walker 回彈減壓書包，所以真係非常感謝FX Creations咁愛錫小小豬(哈哈哈....其實係幫左我就真，因為我又減少一件煩惱事啦)~

 

小小豬絕對係一個心急兼粗魯嘅小朋友，用嘢都唔會就住就住，最緊要係方便佢，所以當初我都擔心個書包用唔夠半個學期就要買過一個新嘅。但....出奇地經過小小豬粗魯對待，書包仲可以用晒整個一年級，而且都唔係太殘舊，所以都俾左個驚喜我呀~ 

 

其實我都15/16緊買唔買新書包俾佢小二用，因為始終未爛我又唔想浪費，但有個新書包新學年用又好似開心啲，所以都猶豫不決。

依個時候就收到第二代 FX Space Walker 回彈減壓書包就啱晒啦~

 

書包間格同第一代都係一樣，三種唔同嘅內格設計，小小豬都表示依個間格都好好用，最大嗰格就用嚟放課本，中間嗰格就用嚟放文具，最細嗰格就放紙巾用品等~

 

最新推出嘅第二代Space Walker回彈減壓書包就係基礎上再度加強，不但提升各項用料的層次，更以超輕量EVA背墊承托系統以取代第一代的背墊，保護學童肩脊健康的同時亦 能帶來更輕盈的感受~

 

而透氣背板則採用超輕盈高韌性嘅EVA物料，耐磨之餘更備有良好的緩衝功能，能舒緩重量對身體造成衝擊之餘，同時亦能保持脊椎筆挺，改善因姿勢造成的健康風險，配合新加入的坑紋設計加強透氣度，所以背後嚟背部就可以更加舒適~

此外，設計團隊把AGS回彈減壓系統設置於書包嘅正中，借助人體行走時每一步的彈力產生回彈力承托負重，形成減重的感覺。係之後嘅產品測試都證實能延緩肩頸背部肌肉疲勞產生，特別是緩解肩頸收力肌群，使人體能在長時間背負重物的狀態下更省力~

 

肩帶部分以高度透氣網紋物料製，百分百透氣、舒爽，更防水、防汗、防污、耐磨，所以就唔會咁容易耗損了~ 

 

百採用 Tri-breathe網紋物料，設有魚鰭型的雙向移動腰帶能把背包重擔轉移至腰間，同時亦附有貼身收緊帶令背包更能緊貼背部~

 

坦白講，睇功能上嘅分別又點及得親身體驗來得實在，所以小小豬一見到個新書包就急不及待要試一試啦~

 

為左測試有咩唔同，我分別將相同書本擺入兩個書包內，等小小豬感受一下有咩唔同。根據小小豬表示，最明顯就係背起新書包時好似輕啲，而且行路時就彈彈感覺多啲，同埋滑啲又乾淨啲(用左成年...舊書包緊係污穢啲啦....激C呀)。 

當然除左小小豬之外，我都有試下兩者分別，因為放學之後咪又係我負責拎個書包。我覺得兩者比較之下，新書包外觀就好似感覺輕巧，拎上手就冇晒墜手，同埋比較挺身。

暫時小小豬都非常鐘意個新書包(又嚟貪新忘舊了)，不過第一代書包我地都仍然好好保存，留待有需要時解言微之急，因為.....我都會定期將個書包入洗衣機洗(放心...我都放入洗衣機洗好幾次，都冇影響回彈同背板功能)，如果乾唔切，搵個解決辨法都幾頭痕。唉...我就緊係曾經有依方面經驗，最後用風筒不停狂吹先可以第二日返到學用呀！

More Information :
Website：http://www.fxcreations.com.hk/

Facebook：https://www.facebook.com/hk.fxcreations/?fref=ts