【有益又開胃】蕃茄薯仔洋蔥豬骨湯

31 JULY 2017(MON)

夏天都真係幾熱，唔好話小朋友就連我地啲大朋友都冇乜胃中。所以就簡簡單單煲個蕃茄薯仔洋蔥豬骨湯，酸酸地易入口之餘，仲好有營養添~

【清熱潤腸】蘆根馬碲水

23 JULY 2017(SUN)

話說小小豬係我地外遊北海道期間曾經發燒，雖然食左藥好快就冇事兼回復精神可以去玩，不過返到嚟香港都係時候煲個涼茶俾佢清清個底。

請教左相熟藥材店職員，佢就教我簡簡單單用蘆根加馬蹄嚟煲，就可以清清肺熱及潤腸通便。因為「肺與大腸相表裡」肺氣不宣，大腸也減少蠕動而易出現便秘，飲左依個涼茶之後，排清體內毒素，人都即刻輕鬆晒。而且性質平和，除左清熱袪濕之外，仲可以生津，對平日咽乾口渴都好有幫助添~

【北海道親子之旅】搭JR開始去玩啦

15 JULY 2017(SAT)

第一日嘅北海道之旅，其實都可以話係冇左半日時間，為左爭取時間就當然一落機就即刻搭JR去玩啦~

【北海道親子之旅】一切由驚喜升級開始

15 JULY 2017(SAT)

原本計劃係上年十二月去北海道睇雪，不過因為出機票方面有點阻滯，所以最後都未能成行，坦白講我同小小豬都真係勁失望，唯有寄望暑假再去玩，由睇雪景改睇花景啦！ 

我地嘅行程又要等多大半年，終於可以出發啦~

 

其實今次行程都有好多第一次，我地三口子第一次自由行去旅行，我地仲會第一次自駕遊，仲要第一次可以幸運地升級上商務客位，坦白講我咁大個女都係第一次坐商務，所以當空中服務員同我講依個消息時，我都有點難以置信呀！ 

【迪士尼另類行】遊船河入迪士尼

13 JULY 2017(THU)

作為一名迪士尼小粉絲，同迪士尼有關嘅活動都一定會留意。今年年頭知道天星小輪新開辦左來往尖沙咀至迪士尼嘅航線時，都已經好想感受一下，睇下隻迪士尼係點，但無奈票價都真係有少少貴(成人$180/小童$160)，所以一直都係得個想字。

不過...機會終於到嚟啦，係FACEBOOK突然見到有優惠APP彈出，每人來回都只係$20，見到嗰一刻真係即刻醒晒，當然即刻開APP上網搶位，所以小小豬放暑假第一個節目就係遊船河入迪士尼~

 

【消暑特飲】士多啤梨益力多冰

11 JULY 2017(TUE)

夏天咁熱就緊係想飲冰嘢，但又想飲得健康啲，咁就當然最好就係自家製涼浸浸嘅冰凍果汁最好。

今次小小豬仲整左一杯士多啤梨益力多冰，睇見佢可以自己整就知有幾易啦~

【開胃又清熱】洛神花蘋果粟米茶

10 JULY 2017(MON)

夏天除左煲啲袪濕涼荼之外，消暑開胃嘅涼茶都真係唔可以缺少，因為天氣咁熱，都好易影響食慾嘛。今次就煲左洛神花蘋果粟米茶俾小小豬，估唔到又幾好飲哦~

 

我之前都煲過洛神花茶，嗰一次就係用新鮮洛神花。其實味道都唔難飲，入口就有點似濃味利賓納，不過小小豬就唔多鐘意，因為酸味就比較重，所以之後就冇再買嚟煲。但今次就用洛神花乾再加上蘋果同埋粟米一齊，我諗都應該好啱小朋友飲，所以就買齊材料煲啦！ 

洛神花都好味又有富營養，有助生津潤肺、除煩、開胃、醒酒嘅功效。而且仲可以更有抗衰老，潤膚美顏，降血脂，降胆固醇作用。(網上資料) 

【新學年有新書包】第二代 FX Space Walker 回彈減壓書包

9 JULY 2017(SUN)

上年正當我苦惱緊買咩款書包俾小小豬返小一用嘅時候，就收到FX Creations送比小小豬嘅Space Walker書包。

經過一年之後，我又正值思考緊應唔應該買個新書包升小二用時，就收到第二代 FX Space Walker 回彈減壓書包，所以真係非常感謝FX Creations咁愛錫小小豬(哈哈哈....其實係幫左我就真，因為我又減少一件煩惱事啦)~

 

【老朋友的約會】樂在棋中五周年分享會

6 JULY 2017(THU)

如果大家有睇開我嘅網誌的話，相信都知道我地三口子就最鐘意玩桌上遊戲，小小豬仲係《樂在棋中》嘅超級FANS，佢基本上都擁有大部分《樂在棋中》所推出嘅遊戲，而且每一個嘅玩法都非常熟，好多時都係佢教返我轉頭添。 

今日依個小粉絲都不知幾興奮，因為可以參加樂在棋中五周年家庭桌上遊戲分享會，又可以同哥哥姐姐玩BOARD GAME啦~

 

我今年都已經係第三年應邀出席分享會，其實在於我立處都已經唔算係一個邀請活動，感覺就好似同一班老朋友見面，因為每一位職員哥哥姐姐叫見小小豬，佢地第一句都係會話：嘩...小小豬你大個仔左好多....好開心又見到你呀！ 

其實我比佢地更加開心，因為從佢地對小小豬笑容可以睇到一份關懷，我感受到各位哥哥姐姐一直都咁掛住同愛錫小小豬呀！ 

【狂歡泡泡池...大水桶】海洋公園夏水禮

5 JULY 2017(WED)

暑假前學校都只係返半日，多左咁多時間就緊係要去玩，俾機會小小豬放下電。有咩開心過得過有朋仔仔陪玩，所以就約埋SY哥哥同子子齊齊去海洋公園玩夏水禮啦~

 

  

【2小時水上狂歡 + 任時燒烤】白石燒烤夏日水上樂園

2 JULY 2017(SUN)

上年夏天都已經好想嚟玩水上樂園，不過得我地三口子就好似悶左啲，又怕BBQ食物食唔晒，所以一直都未有行動。今年白石燒烤又再次舉行夏日水上樂園，見好多朋友仔都話好好玩，終於我急唔住，約埋細妹、表妹、E莉同大仁一家，一行十人嚟個水上狂歡啦~

【化痰潤肺】雙果陳皮水

1 JULY 2017(SAT)

早幾日又去海味中藥店上貨，店主就介紹我買紫無花果，佢話比超平時用開嘅無花果甜度無咁高，同時亦含有高花青素，所以對抗氧化、眼睛及美顏都好幫助。

店主仲教我煲依個雙果陳皮水，即係羅漢果、無花果同陳皮一齊煲水飲，可以有助清熱氣、化痰潤肺同埋對喉龍痛都好好。剛好屋企啲涼茶又飲晒，所以就買齊材料煲新嘢俾兩位老細試下啦~