【師奶仔情報】一田購物優惠日

22 NOVEMBER 2016(TUE)

一年一度嘅一田購物優惠日又嚟啦，之前成日見好多朋友都去掃左好多平貨，由於我一田都離我幾遠，所以一直都只得個恨字。 不過今次終於都應該有我份了，事緣我一位好友搬左入沙田，佢自己都話會去掃貨可以順便幫手。

嘩...有得搖控掃貨緊係想啦，所以即刻做功課，上網搵下啲心水先，即刻CAP圖俾朋友仔先(真係多謝朋友仔去掃貨都記得我...哈哈哈)~

 

作為一個愛煲湯嘅傻媽，當然第一時間就睇下啲湯鍋依啲廚房用具。原來今次一田優惠都有好幾個品牌嘅湯鍋有好大折扣，我睇中依幾款都平成幾千蚊，真係超抵呀~ 

 

另一吸眼嘅都有DYSON吸塵機，平時DYSON都好少做優惠，今次竟然有大折扣，真係好吸引哦~

 

之前見朋友仔必買就一定係床單，原來真係好抵，成套床上用品都仲係均一價$299，真係啱晒我地張KING SIZE床。我見都有好多唔同圖案，不過我唔理咁多啦，只要有SIZE就見朋友幫我搶~ 

 

另外老公就睇中左依件保溫外套，仲叫我買埋女裝同佢情侶裝。嘩...件女裝平成二千蚊，咁抵我又唔介意呀，如果有埋童裝就好啦，到時就整個家庭裝呀~ 

 

最後睇中就係見好多人每次去一田都會入手嘅喼，真係平好多，而且款式又多，買定一個大喼等我出年暑假去日本時可以大買特買.....正呀~ 

 

 其實抵嘅又唔止咁少，一田網站就可以睇更多特價貨品(http://vip.yata.hk/vip/default.aspx)，一日未到24號我都仲可以慢慢揀，睇中就CAP圖SEND俾朋友，一諗起隔空SHOPPING就興奮，不過到時就辛苦朋友仔啦！

**我地的FACEBOOK PAGE，齊齊來交流親子。育兒。烹飪啦**