【BB班廚藝進修】日本雞蛋工作坊

5 NOVEMBER 2016(SAT)

謝謝日本雞蛋輸出部會邀請，我又有機會進修BB班廚藝，去參加「日本雞蛋工作坊」跟料理達人 Kei San 學用日本雞蛋整唔同嘅雞蛋料理。

我依個卡邦尼烏冬都好似煮得幾好呀(自我感覺良好中)~

 

其實我都幾鐘意參加以煮食嘅實習為主嘅活動，因為落手落腳去整，滿足感大啲之餘，又可以學下啲入廚技巧，所以今次可以獲邀嚟進修，都真係幾開心呀~ 

 

話明係雞蛋工作坊，咁就緊係以來自日本嘅雞蛋為主角啦~ 

 

日本人真係可以話冇雞蛋不歡，就連生雞蛋都可以當係一種食法，不過日本出產嘅雞蛋品質卻非常有保證，雞蛋由上上一代已經開始養育，從飼料、運送、儲存、檢查、清洗蛋殼、殺菌消毒等都有徹底品質管理，相當嚴謹，衛生安全。而且日本產的雞蛋營養價值極高，富含蛋白質、維他命、礦物質等各種營養，被稱為完全營養食品~ 

 

一嚟到就見到大會為我地準備好哂嘅用品~ 

 

不過未開始嘅時候，都要聽下大會工作人員嘅簡單介紹。原來日本人真係好鐘意食雞蛋，仲定左好多日子為雞蛋日添~ 

 

而且係重要日子都會煮雞蛋嚟慶祝一番呀~ 

 

之後就到重點活動，就係由人氣日本廚神Kei San(杉上馨)教授我地用日本雞蛋煮幾個食譜呀~ 

 

日本雞強比我地平時買到其他國家嘅雞蛋就更為金黃色~ 

 

第一個就係最簡單亦都係日本大熱嘅生雞蛋飯，只係好簡單咁用日本雞蛋加上醬油配白飯，就可以食得啦~ 

 

另一個就絕對呃LIKE之選，因為依個日本冰蛋飯真係好正。咩係冰蛋？其實就是將一隻生雞蛋放入冰箱雪過夜就變成冰蛋~ 

 

溶冰後雞黃一樣係圓圓的，切開後就好似咸蛋黃呀~ 

 

趁蛋白仲凍時盲打蛋器打至挺身，然後再放上泡泡醬油，最後中央放上冰蛋黃，可加上海苔粉裝飾，食得啦~

 

Kei San仲即場教授用日本雞蛋煮零失敗卡邦尼烏冬，原來唔洗用奶或忌廉，只要用一隻雞蛋就做到啦~ 

 

最後Kei San仲為我地預備鴛鴦玉子蛋卷，甜甜地嘅和菓子，味道又真係唔錯哦~ 

 

睇完Kei San示範，就到我地動手自已整啦~ 

 

其實都唔係好難，先用滾水煮熟烏冬，然後將雞蛋1隻和蛋黃2隻 放置碗內打勻成蛋漿，加入巴瑪臣芝士及昆布茶粉拌勻。再將蒜頭切至小件，煙肉切至約2cm闊小塊。中火下油和蒜頭至鑊中，加入煙肉炒至少許金黃，加入煙燻芝士再炒，下冬菇水。重點所有就係煮滾後立刻熄火，之後加入烏冬同雞蛋液，快手拌勻~ 

 

不過由於我就掛住影相，所以個鑊凍左凝固唔到，最後就要Kei San出手幫忙啦~

 

依個卡邦尼烏冬又真係唔錯，同坊間食嗰啲都係差唔多，不過自家制嘅少左奶或忌廉，健康好多呀~

 
簡單又好食，我一定會搵日整俾小小豬試下先得！

**我地的FACEBOOK PAGE，齊齊來交流親子。育兒。烹飪啦**