哈哈哈...今日我地三口子就離家出走......一日咁多，因為我地應邀嚟參加帝景酒店聖誕派對，之後仲體驗左森林主題客房之旅添~
其實之前都睇過介紹都知道帝景酒店有好多唔同主題嘅套房，見到朋友仔分享嘅相都好吸引，都曾經有心思思BOOK返間嚟住下。當然依個念頭就一直得個諗字，久久都未有衝勁去成就此事。
嚟到酒店時間就剛剛好，就開始續間主題房間慢慢參觀。
第一間就係我地今晚會入住嘅綠野森林主題客房，既然今晚都入住，所以就留返今晚係房間慢慢玩，依家留啲時間去其他房啦~
東瀛魅力主題客房~
整個房間當然係以和風為主，而且仲為客人準備浴衣添。另外房間內仲設日式小木檯，內內外外都充滿日本風，好浪漫呢~
激鬥跑車主題客房~
相信最吸睛嘅一定係那張跑車造型嘅小朋友床，就連小小豬都問可唔可以瞓上去扮司機。另一亮點就係電子遊戲機、賽車椅及賽車方向盤，各位大小朋友可以隨時隨地渣返轉車呀~
懷舊主題客房~
一入到去小小豬就已經叫尖一聲，因為入面有好多唔同嘅懷舊棋，絕對啱晒愛玩桌上遊戲嘅小小豬呀~
牆上仲有好大嘅康樂棋，可以即場任玩，依個小小豬真係玩都唔願走，真係俾佢激C呀~
房間內仲有一個錄音機及錄音帶，由於時間關係唔可以即時試下，不過問左公關姐姐佢係話可以播放的，如果係真的話，那就真係要俾十個勁佢啦~
探索太空主題客房~
房間內設有iMODA按摩椅，可以隨時感受貼身按摩~
此外亦設有天文望遠鏡，小小豬親身體驗話係可以睇到好多星星(唔知係真係假啦...哈哈哈)~
房間內另一亮點就係設有夜光功能，晚上開住一定勁有FEEL呀~
海洋世界主題客房~
以海洋為主題嘅壁畫，小小豬都幾鐘意，佢仲眼定定望住啲魚仔，又不停講下啲魚名稱~
足球狂熱主題客房~
房內設置小型足球場，各位大小朋友就可以嚟一場親子足球比賽啦~
奇趣木馬主題客房~
最令我開心就係房內見到有RODY，可以等小小豬無拘束地盡情咁跳。另外仲房有小型滑梯及帳幕，真係可以話係一個玩具房呀~
參觀完房間仲有時間，所以係時候俾小小豬放下電，我地就落咗五樓兒童天地玩啦~
玩之前當然要消毒雙手啦~
地方雖然唔算大，不過勝在有齊小朋友最愛嘅滑梯同波波池~
玩完小滑梯，仲可以去切七巧板~
有得玩小小豬就緊係非常開心啦~
玩咗大半個鐘係時候落去開Pre-Christmas Party，未開始之前就唱下K先。雖然冇小小豬平日係屋企唱開嗰啲歌，不過有得揸住支咪唱兩下，佢都已經好滿足呀~
開餐呀…… 我地今日食依個餐，就係嚟緊推出嘅聖誕滋補養生美顏自助晚餐，大廚以中式健康嘅食材配以西式嘅烹調技巧，所以整個菜式都好特別。
海鮮拼盤(凍大蝦、珍珠帆立貝、青口、長腳蟹及法國膏蟹)~
海膽五色海鮮丼~
三色藜麥豬頸肉沙律~
藥膳花雕雞~
鮮人參蒸鱸魚柳清酒牛油汁配花膠白菌煙肉長通粉~
燒海虎蝦拼羊扒~
蓮子白朱古力慕絲蛋糕配合桃脂藜麥椰汁牛奶糕~
紅棗圓肉椰汁花膠燕窩~
晚宴上有抽獎活動，司儀姐姐搵小朋友幫手抽獎，依個唔知醜嘅小小豬當然係自告奮勇出去幫手啦~
哈哈…小小豬都抽中小禮物~
不過開心事陸續有來，因為我抽中二獎呀(其實應該係老公先啱，因為佢同小小豬返咗上房間，所以就由我代領啦)Yeah.... 抽中咗一間主題套房及自助餐Coupon， 又可以嚟玩過啦~
由於今日玩得實在太攰，小小豬已經返咗上房間休息， 不過依隻傻豬仔要瞓係帳幕入面，話要露營喎~
第二朝起身就慢慢睇下房間裏面嘅環境呀~
依隻豬仔真係好愛個帳幕，完全唔肯離開呢個位置…哈哈~
最後見到隻大象，佢先肯離開帳幕呀~
我地食埋一個豐富嘅早餐， 就完成我地兩日一夜離家出走之旅啦~
其實真係好鍾意有依啲主題套房，有特色之餘又唔怕悶，可以休休閒咁嚟一個小旅行叉叉電，所以間唔中嚟酒店住下都唔錯㗎~
相信好快我地又會再嚟，小小豬已經Order左我一定要Book懷舊套房， 因為佢真係好掛住嗰一個康樂棋呀！
依家酒店都做緊一啲聖誕住宿優惠計劃，有興趣朋友可以上官網參考下啦！
More Information :
Website：www.royalview.com.hk/
Facebook：https://www.facebook.com/royalviewhk/?fref=ts
**我地的FACEBOOK PAGE，齊齊來交流親子。育兒。烹飪啦**
沒有留言:
發佈留言