MyBB試用小隊 - MOMiN美國嬰兒有機護膚系列

11 AUGUST 2015(TUE)

哈哈哈...真係好好彩，因為小小豬又可以成為MyBB試用小隊成員，可以試用MOMiN美國嬰兒有機護膚系列~

MOMiN美國嬰兒有機護膚系列產品都是天然有機，避免使用化學有害成分，並已獲USDA有機認證和不含基因改造的成份(GMO FREE)，把致敏的機會減到最低，同時保養及促進皮膚自然強化，等我地可以放心使用。

Greenicare有機沐浴/洗髮露~

含天然荷荷巴成份，對保養皮膚和頭髮好有幫助。味道方面就帶有少少草本味，都幾香呀。

只需倒少少，就足夠洗晒全個身體~

雖然使用時都唔會有太多泡泡，但用後都會覺得好乾淨，或者就係天然有機關係啦~

Greenicare嬰兒有機潤膚露~

潤膚露加入天然蘆薈成份，既保濕又滋潤，塗上手都好易被皮膚吸收，而且用完亦唔會覺得笠，所以大人同小朋友都啱用呀~

OutdoorShield草本驅蚊噴霧~

由我地三口子都係鼻敏感人仕，所以係選擇蚊怕水方面都一定唔會揀啲濃烈氣味。依款驅蚊噴霧含天然迷迭香精華，可以有效驅走蚊蟲外，氣味又唔算濃烈，所以我地三口子都安心使用~

依幾次落公園玩前我都有同小小豬噴下，咁嗰幾次又真係冇俾蚊蟲咬過，驅蚊效果都唔錯呀！

OutdoorShield有機草本敏感及損傷舒緩軟膏~

多用途嘅舒緩軟膏，集防蚊蟲、止痕消腫及傷口損傷於一身，成份天然，所以特別適合孕婦和嬰幼兒使用。依兩日我手都有少少濕疹起，所以將少少軟膏搽於患處，用左大約兩次都已經消腫及唔痕啦~

OutdoorShield有機草本舒緩蟲咬走珠露~

天然草本成份，有微微草本香味，有助即時止痕消腫，加上走珠式設計，真係好方便呀~

依三件產品可以話係戶外三寶，因為真係好啱夏天郊外使用，依家都已經放入我手袋，而且已經入左我回購列啦~