參觀望道號暨開幕活動

27 JULY 2015(MON)

其實兩年前知道「全球最大圖書船 - 望道號」嚟香港時，我都已經好想上船觀摩一下，不過當時小小豬仲細，根本都唔知咩係圖書所以最後都打消念頭。

望道號終於返嚟，加上小小豬又好鐘意睇圖書，最開心就係可以得到海港城邀請，所以今日我地兩母子拍拖去參加望道號暨開幕活動呀~

一早同小小豬帶佢去搭船睇圖書，所以由出門口後就不停問我隻船係邊度嚟，我地搭船去邊度，啲圖書係咪可以買返屋企，成隻問題小豬咁呀~

但其實佢內心係不知幾期待，因為佢係第一次去依類大船上參觀呀~

由於今日係傳媒開幕活動，所以我地就先安排去欣賞開幕儀式~

第一部分就係介紹來自不同各家嘅船上工作者，其實佢地全部都係義工，本著一顆善心同信仰，願意留係船上為社會服務呀~

之後就到船長同我地分享佢成為望道號船長經過，重點其實都係唔好放棄，本著自己信念，努力做好自己~

接住就到今日嘅表演嘉賓陳明恩，佢都係先同我地分享佢嘅宗教信仰~

之後仲同我地唱左一首歌，佢唱LIVE都幾得哦，都真係好過某某紅歌星呀~

之後就到望道號總監同我地分享~

最後就由兩名船上工作者為我地表演，原來佢地每一位船上工作者都總係有一種才華，會不時舉行啲活動，等各船輕鬆聯誼下，增進大家感情呀~

哈哈哈...完成左開幕活動之後，就到小小豬最愛環節，就係茶點時間啦！

依個為食豬一知道有嘢食，即刻老實不客氣咁拎盒生果食啦~

仲食得不知幾津津有味添~

食完成盒生果都唔夠，仲話要食三文治呀~

真係叫佢為食豬係冇錯呀~

我地仲去左搵陳明恩影相呀~

食飽飽我地就正式去參觀望道號，首先就係簡介望道號歷史~

之後小小豬話要渣船扮船長~

仲有一個模擬船員休息室添~
之後我地就去參觀書展區，第一個感覺係....好大呀，真係成個圖書館咁呀，而且種類都好多元化，包括語言、科學、藝術、體育及烹飪等，我個人覺得小朋友圖書佔嘅份量就大啲，所以真係好啱小朋友嚟呀~

仲左圖書之外，仲有CD買添呀~

由於望道號有濃厚宗教色彩，所以都有可以買少量宗教物品呀~

因為望道號係全世界巡遊，所以書展區數千本圖書，全部一律以Units做單位，咁就唔洗成日更改價格，我地都可以好輕便咁對換到價錢呀~

小小豬見到咁多圖書佢又點會唔興奮呀，仲不停自己揀圖書嚟睇，睇中就坐/企定定睇呀~

由於今日係傳媒日，所以在場都有好多記者，可能依段時間船上小朋友唔多，所以小小豬都有幸成為佢地拍攝對象，總之佢定定睇書時都會有相機影佢啦(唔知小小豬會唔會係我BLOG以外見到佢呢...哈哈哈)~

最後小小豬都揀左六本圖書，依位工作人員真係好NICE，主動同小小豬影相呀~

哈哈哈...依六本圖書係小小豬自己揀，加埋都只係$150，真係平靚正呀~

之後就會到一個圖片展，細心睇其實係好有意思呀~

之後有一個活動室，不過由於我地依個時段未係公開入場，所以未有得睇表演呀~

最後就係一個好大嘅CAFE休息地方，一樣都係未開工，所以冇得試大仁推介嘅雙層朱古力芝士餅~

不過CAFE後段有個小朋友玩樂專區，可以砌LEGO同睇圖書呀~

貪玩豬當然又係玩到唔捨得走啦~

最後當然唔少得指定動作~

唔覺唔覺我地係船上都逗留左差唔多三個鐘，如果唔係小小豬肚餓要食嘢，我諗佢都仲可以留多一陣繼續睇書呀！

今次之後，望道號應該會有一段好長時間唔再嚟香港，所以唔好錯過機會，快啲上望道號參觀，仲可以買到好多又平又靚圖書呀！

 

More Information :
「望道號」於2015年7月26日至8月9日訪港並停泊於尖沙咀海運碼頭。
開放時間：星期一至二下午2時至晚上9時半；星期三至星期六上午10時至晚上9時半；星期日下午1時至晚上9時半。
門票：港幣10元正
【12歲或以下的小童 (須由成人陪同參觀) 及65歲或以上的長者費用全免。】