因為有朋友嘅小朋友就嚟生日，所以趁今日我地出太古城買嘢時，就出去反斗城行一陣，睇吓有冇啱心水禮物買俾那位小朋友。
次次去反斗城，小小豬都一定玩塊磁石板。今日當然唔例外，我就自己去睇玩具，小小豬就同小豬媽一齊玩磁石板。
就係我地買完嘢去食TEA嘅時候，小豬媽就同LULU妹『借啲異』行開一陣，話去洗手間咁，佢地返嚟嘅時候就俾左個驚喜小小豬，就係買左依個俾小小豬啦~
一面係可以用粉筆寫字~
另一面就係白板~
返到屋企先唔俾小小豬見到，等佢瞓左覺先。
當瞓醒覺時間，一行出廳小小豬就見到依塊板，都不知幾開心，仲即刻行去玩磁石ABC呀~
個傻豬仔真係玩得好開心呀~
小豬媽同LULU妹真係錫到個百厭仔燶呀！
**我的微博..關注吧**
沒有留言:
發佈留言