再一次證實 - 餅印

18 FEBRUARY 2011 (FRI)

話說係小小豬初出世嘅時間，好多人都話小小豬好似我細個嘅時候，當時我地搵到一張我細個嘅相同，小小豬做左個對比，仲出左一篇網誌 ~ 餅印? (唔知大家有冇睇過呢？有需要可以CLICK返入去睇呀！)。

小小豬越大個，小豬媽同小豬爸都話個樣越大就越似我，尤其係唔笑眼定定嘅時候，唔係只係我屋企人覺得，有啲親戚嚟拜年嘅時候，佢地都會講真係好似我細個。(哈哈...聽完真係勁開心，有啲飄飄然咁添呀！)

係前幾日小豬媽同小小豬影相嘅時候，俾我發現左一張好有趣嘅相。我同小小豬個樣似就唔在講，就連小豬媽抱我地嘅手勢都係勁似呀~

哈哈...睇見依張對比相，我真係覺得好攪笑，如果小小豬個咀仔唔笑咁大，真係一樣咁呀！