今日係吉吉島最後一日嘅大減價，所以小豬媽就約埋我一齊去SHOPPING，睇吓有乜平嘢執。
可能係最後一日關係，周圍都係多人，攪到行都冇心機，原本都打算係嬰兒部買啲日用品俾小小豬，不過一見到條人龍長到呢......真係嚇親，所以最後都買到。
雖然我冇買到嘢，不過小小豬都有收獲，仲係提早收到嘅聖誕禮物嚟呀！
第一份就係LULU妹送呀~
因為小小豬依家開始鐘意玩毛巾，所以LULU妹就買左一盒顏色好鮮艷又柔軟嘅手巾仔，俾小小豬玩之餘仲可以訓練一吓手力呀！
第二份就係小豬媽送嘅有機枕頭~
小豬媽話其實想買左好耐，不過次次都買晒。今日見到之餘仲有折，當然即刻買俾小小豬啦！
折左之後都係貴貴地，不過小豬媽話值得，等小小豬有個靚枕頭可以訓得好啲。依個枕頭又真係幾好，有不同S高度嘅枕俾你加厚度，個售貨員話可以用到五歲，咁計番條數都算抵呀。
哈哈...小小豬第一年過聖誕，剛剛踏入十二月，就已經收到兩份咁好嘅禮物，真係令我依個媽媽都羨慕呀！
沒有留言:
發佈留言