開格大吉

26 DECEMBER 2010 (SUN)

今個聖誕節都真係冇乜節目，平平淡淡咁就過左啦！

冇辦法啦，因為我唔舒服，只識得係屋企訓，加上天氣凍凍地，唔敢帶小小豬周圍去，所以一家三口都係留係屋企最好呀！

由廿四號晚開始，加加埋埋我都訓左兩日，今日見精神好左好多，所以就帶埋小小豬落屋企附近個商場做特別任務。

哈哈...就係去佈置我個格仔鋪啦~

我問個朋友仔拎左啲貨，加上大肥豬嘅支持(當然包括金錢上啦...哈哈)，所以就貪得意咁學人租左個格仔，學人做個老板仔。

雖然啲利潤真係好少，加上都唔知買唔買得出，不過都希望可以回本，如果可以賺到啲少少，幫補吓啲奶粉錢就仲好啦！(好明顯有人發夢中...呵呵呵~ )

請容許我賣個廣告先，鐘意砂糖兔嘅朋友仔記得嚟支持吓呀，我個格仔鋪就係：藍田匯景廣場5樓92號鋪A5格。雖然個位置就低左少少，不過就係廚窗嘅左下角嗰個，都好易搵到呀！