代代相傳

15 DECEMBER 2010 (WED)

今日小豬媽係執冬季衫時，俾佢係櫃底執到依個寶物，係我滿月時著住嘅包被嚟呀~

嘩...真係勁攪笑，之前都冇聽小豬媽提過有依件被仔，估唔到小豬媽仲將依件衫仔保存的咁好。

小豬媽話滿月著過嘅衫係好有意頭，所以當時就將件被仔好好保存，留返俾我個BB咁話。 因為小小豬滿月是係夏天，所以冇刻意拎出嚟俾小小豬，等轉季嘅時候先拎出嚟用。

依件被仔真係好有紀念，所以我都打算俾小小豬用完之後，就再繼續好好保存，留俾小小豬嘅仔仔用，一代傳一代咁，好有意思呀！

經小豬媽一提，我都要將小小豬滿月時著過嘅靚衫仔同包被好好收埋，留番俾我個孫仔先得...哈哈！