三周年紀念

3 DECEMBER 2010 (FRI)

開心嘅日子真係過得快，轉眼間又過左一年，今日就係我地結婚三周年嘅開心日，今年多埋小小豬就真係仲開心。

今年都係第一年三人行，所以原本都打算去攪啲慶祝活動。不幸地早幾日知道今日要OT，所以即刻DOWN晒，冇再計劃去邊度玩！

雖然冇得去玩，不過大肥豬話依個大日子都要去食餐飯慶祝一吓，所以我地就同埋小豬爸、小豬媽仲有LULU妹一行六人近近地去出左太古城和民食個豐富大餐啦~

雖然好似簡簡單單咁，由結婚周年活動就變左一個家庭飯局，不過一家人開開心心食晚飯，都係一件我覺得最開心嘅事嚟呀！