海港城

28 DECEMBER 2009 (MON)

係聖誕假期依幾日，因為都唔係好舒服，所以日日都係屋企訓...訓...訓。

訓左咁多日，見精神都叫做好少少，加上請左幾日大假又唔想浪費，所以今日就同大肥豬去海港城影相啦！

睇其他朋友仔嘅相就覺得海港城啲小天使好靚，不過今日去睇...可能係白天關係冇開燈，感覺上好似冇咁靚呀~

影完之後，我地就向另一個目的地出發，就係行入去海港城另一商場，去影MIFFY啦！

雖然要俾$40入場，不過做善事都冇所謂啦。可能我地係平日嘅下午入去影，所以都冇乜人，我地仲影左好耐添~

入場都有張即影即有送，仲有包M&M送添，朱古力就當然即場俾老公KO左。原本仲有條MIFFY手機繩送，不過嗰日剛好送晒......蝕左~