服務不太好嘅味吉

23 DECEMBER 2009 (WED)

屋企附近開左一間拉麵店，見到開左成個月有多都未幫襯過，加上又就嚟聖誕節我條懶根又出左嚟，唔想煮飯，所以今日嘅晚餐就去試食啦~

紙巾都都有豬豬公仔，都幾可愛呀~

講起依間食店，真係有開心又有唔開心。先講啲開心嘢先，就係間鋪嘅嘢食真係幾好味，個湯底又味之餘仲冇乜味精，拉麵又幾彈牙，整體上都唔差呀~

開心過後.....就要講吓唔好地方，幫我地落ORDER嗰位服務員啲態度真係勁差。

基本上佢地餸嘅款式都唔算多，不過唔同就係有不同味道嘅湯底，但係短短幾分鐘我地又點可以睇熟晒本MEAN呢，所以我就係落ORDER時問那位服務員有什麼湯底啦，點知得到個答案係：(態度串串的)依度咪寫好晒囉，你想叫乜麵講個NO俾我知就得啦！

嘩....一聽到即刻火到嚟，依啲係乜服務態度，我唔清楚當然要問啦。

唉....雖然依間啲拉麵又真係幾好食，不過我估我都應該唔會再去。食飯唔係應該開開心心，冇理由要受氣嘛，所以我地都已經BLACKLIST左佢啦！