無聊聖誕影

11 DECEMBER 2009 (FRI)

之前我去左好幾個商場影啲聖誕佈置，影左幾個之後，就俾公司個史迪哥哥笑我：點解唔去埋新翠商場影，應該汁到撈埋先得嘛！

由於新翠嗰個佈置都真係麻麻地，不過既然史迪哥哥叫到，到係時間撈吓汁。所以今日利用LUNCH時間，食完飯之後就同糖糖一齊影吓！

講真....真係可影地方唔多，最可愛都係依一個雪人公仔~

仲有啲聖誕樹仔啦~

哈哈......雖然好似有少少無聊，不過地方咁近又加上都叫做係聖誕佈置，所以影吓都冇壞，感受吓少少嘅聖誕氣氛都好呀。

雖然冇乜特別嘢影，不過勝在完全唔洗同人迫，所以我地都話會搵日又再利用LUNCH時間，帶公仔落去影番輯！