2 NOEMBER 2020(MON)
話說前幾日係屋搵到之前買落嘅湯水書,咁我就好努力溫書,睇下有咩湯啱煲俾小小豬飲。
一打開本書就俾依個湯水吸引到,有近期好成日煲而且屋企有大量存貨嘅日月魚(小小豬要護眼嘅嘛),仲有好啱乾燥天氣嘅雪耳,所以就即刻買埋其他材料,煲依個既可以補肝明目,又化痰潤肺嘅日月魚馬蹄雪耳豬骨湯啦~
日月魚洗淨後浸至軟身~
雪耳浸透至軟身,然後剪去硬蒂洗乾淨~
馬蹄洗淨去皮~
蜜棗浸洗一陣~
紅蘿蔔洗淨去皮切件~
豬骨洗淨汆水~
煲內放約3L水,待水滾後加入所有材料~
待滾起後,繼續用大火加蓋煲約15分鐘~
之後轉慢火加蓋煲多1.5小時~
最後加鹽調味,就可以飲得啦~
以下係各食材嘅功效,可以參考一下呀(網上資料):
日月魚 - 明目功效高、舒緩眼乾、補腎益肝、養顏美髮功用,含有豐富蛋白質、磷、鐵、碘及鈣質,所以對調節人體代謝平衡及促進生長都有一定幫。
馬蹄 - 有助清熱解渴、涼血解毒、利尿通便及幫助消化。
漳洲雪耳 - 有助潤肺、潤膚同養顏嘅功效
紅蘿蔔 - 就有助健脾消食,同埋化痰解毒。
蜜棗 - 止咳潤肺、化痰平喘功效。
溫馨提示:
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 雖然雪耳係好味又有益,不過都要再提多大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!
- 由於個別人仕體質不同,所以大家記得煲之前了解下自己,如有疑問,請先向註冊中醫查詢!
- 雖然雪耳係好味又有益,不過都要再提多大家煲過嘅雪耳一定要即日食/飲晒,如果隔夜,經過一夜嘅浸透,佢就會放出一啲有害物,到時就有益變有害啦!
沒有留言:
發佈留言