【爸爸生日睇靚景】SKY 100睇靚景食個TEA

15 JUNE 2020(SAT)

今次都係我同小小豬都第二次去嚟SKY 100，不過因為豬大少知道Daddy好鐘意睇風景，咁佢又未嚟過，所以就提意帶Daddy嚟 360度睇晒維港靚景(好明顯係佢想嚟玩多啲...哈哈)。

咁我上網見生日係免費入場，之後我再訂左一個Cafe100嘅餐廳套票，咁就可以$260三口子嚟輕鬆一下，作為Daddy嘅生日慶祝活動啦~ 

前兩日都好暗天兼剛剛打完風，所以初時都好擔心個天氣唔好會掃興。估唔到嚟到個天氣勁正，雲清之餘能見度又高，所以佢兩父子企定定睇風景都睇得超陶醉，企定定係窗邊都可以企幾十分鐘。不過…成個VIEW又真係好正嘅~

小小豬仲對其中一個以100個香港故事嘅展品好有興趣，睇左好耐添~

之後我地就去Cafe100食我地套票SET，未開始食都已經覺得唔錯，因為坐係度邊食邊睇風景都真係幾好FEEL~

我地個套票SET有一個士多啤梨窩夫、牛奶雪糕同埋一杯棉花糖特飲，幾樣都係小小豬鐘意嘅，佢就當然開心，仲話好好食添~

就連一向唔太好甜點嘅Daddy都好滿意依個安排(緊係啦...佢住係度望住個靚view發傻都已經好開心)…哈哈~

食完當然又係繼續睇風景，路過精品店見到依個牌仔又嚟攪攪陣，不過依個廿四孝DADDY又真係最佳爸爸嚟嘅...哈哈~

唔覺唔覺我地都逗留左三個幾鐘，如果唔係因為翌日小小豬要早起返學，唔去以玩得夜，我地都想睇埋日落先走。

我覺得依個set都幾抵，我就係依度訂嘅Cafe100餐廳連兩張門票套票嘅資料，有興趣了解多啲可以參考以下資料呀 - https://www.kkday.com/zh-hk/product/20002?cid=10238