【迪士尼樂園重開】Believe In Magic@Hong Kong Disneyland

27 JUNE 2020(SAT)

期待左好耐，終於等到 迪士尼樂園 重開，我地三口子又有機會可以齊齊入園玩餐飽啦~

為左大家可以玩得安心又放心，迪士尼樂園都做有一系列安全措施，除左要預先上網預約登記，入園前就要先經驗體溫檢測~

園內亦有好多個人衛生小提示~

入到園內要戴口罩及按標誌保持社交距離~

另外，亦都實施社交距離措施，好似實施人數管制，大部分遊戲嘅座位都會有分隔，而一啲遊樂設施亦係同一架車廂內會避免唔同群組嘅賓客一齊坐~

最重要係每一個遊戲出入口都會有消毒搓手液裝置俾我地玩完遊戲後消毒…消毒…再消毒

仲有，當係需要派發眼鏡嘅遊戲，工作人員都會戴上手套以確保衛生~

我地仲見到Magic Moment，就係見到Mickey&Minnie玩小飛象，如果可以同佢地玩同一轉就好啦~

奇妙夢想城堡嘅華麗變身已經進入最後階段，遠望已經好吸晴，今年內就會開幕，到時一定會更加靚，同埋小小豬話到時一定要搵晒13個公主象徵出嚟添呀~

今次入園我都仲認識左Duffy最新嘅朋友，就係嚟自夏威夷嘅小海龜「‘Olu Mel 」，而且仲推出左好多「‘Olu Mel 」公仔精品~

我地仲去左Corner Café食左一個豐富又好味嘅Duffy and friends嘅下午茶~

先嚟一杯最新推出以「‘Olu Mel 」為主題嘅特飲《奇異音樂家沙冰》，係大熱天氣飲真係好refreshing 呀~

小小豬開心密密食，就以行動表示依個下午茶Tea Set有幾好食~

小小豬嘅另一個興奮時刻，就係仲收到一隻「‘Olu Mel 」毛公仔~

佢對依隻可愛小海龜愛不措手，全程帶住「‘Olu Mel 」公仔周圍去玩呀~

雖然依家冇左大型嘅巡遊，不過依個小型巡遊都唔錯，可以一次過見到咁多位迪士尼朋友嘛~

好耐都冇係迪士尼由朝玩到晚，基本上除左兩個過山車之外，我地都玩晒啲遊戲，真係超級盡慶。不過為左陪玩，我就冇時間去shopping，就連nuiMOs新出嘅衫仔同新成員都冇時間去入貨添~

不過唔緊要，快快手上網再預約，到時又可以再入嚟又玩又買啦！

More Information：
Website：http://www.hongkongdisneyland.com/
Facebook：https://www.facebook.com/disneyland.hk