【體驗滑板彈網】智能健體 X「城市運動」英語夏令營

20 JUNE 2020(SAT)

今日小小豬應邀嚟到Superpark參加 “智能健體X「城市運動」英語夏令營”， 夏令營原為一連四日以城市運動課程為主題，等小朋友學習滑板或彈網，及帶氧運動遊戲。不過今次就先嚟一個體驗版等小小豬感受啦~

夏令營係俾4-9歲小朋友參加，所以小小豬冇Over，佢啱嚟玩呀…哈哈！

首先就要乖乖聽老師講解今次活動嘅安排，同埋活動嘅安全措施~

之後就跟老師做一啲熱身運動~

之後我地就向滑板車場出發，開始我地第一個活動。

滑板車就玩得多，不過滑板都係第一次玩，加上一向唔善於運動嘅小小豬嚟講，一嚟就已經有好大挑戰。不過好在教練們對小朋友都非常有耐性，所以小小豬都算好快上手~

當然.....唔係話玩得好好，都叫做得得地，不過小小豬依身板仔造型都好有型哦！

學完滑板車休息一陣就轉到去學玩彈網。

彈網之前都叫做玩過下，今次教練就教左兩個花式，小小豬表現都唔錯，佢仲話俾教練讚佢叻~

最後一節就係同小朋友一齊玩啲低強度帶氧集體運動遊戲，最重要就係大家學習合作嘅重要。

令次夏令營仲係首次結合光學心率監測的電子設備，配合串流數據顯示，可以清晰了解小朋友係運動時嘅身體變化及對腦部、身體健康的正面影響~

最後仲可獲得芬蘭教育局(Education Finland)頒發之參加證書乙張~

話咁快就上完三個鐘課堂，上完堂仲可以係場玩繼續放電一小時添~

有興趣了解多啲或者購買門票，可以參考以下資料呀~> https://www.kkday.com/zh-hk/product/100713?cid=10238