【試用分享】gülsha晨露純玫瑰卸妝原液

8 FEBRUARY 2020(SAT)

早係新伴前收到gülsha送俾我嘅新年禮物，當中好多朋友仔都話正嘅晨露純玫瑰卸妝原液，早排未閉關時都keep住有用，不過....原來用落覺得好似啱小小豬用多啲哦...哈哈哈~

有別於一般卸妝水90%以水為主要成份，依支gülsha晨露純玫瑰卸妝原液當中有93%大馬士革玫瑰水，所以一打開就已經有好香但又唔搶鼻嘅玫瑰味。

當中玫瑰精華仲可以卸妝同時幫助肌膚修復同抗敏，而且不含礦物油、酒精、化學防腐劑及人造色素或香料，所以就連敏感肌人仕都啱用~

而且佢嘅用法都好簡單，只需將卸妝液倒在化妝棉上然後敷在皮膚上30秒之後就可以啦~

咁我用落感覺都唔錯，用清爽舒服得嚟仲好水潤，用後完全冇繃繃緊，而且好輕易咁就可以將防水眼線液...唇膏抺乾淨~

點解啱小小豬用？因為依個卸妝原液就連原子筆..水筆都可以卸到，依隻論盡豬成日畫完公仔之後對手都總係有幾條原子筆印，仲唔係啱晒佢，用依個就唔洗不停用洗手液擦啦~

依家係2月29日前憑優惠碼 MW180 於Zoe by Profex 網上店購買，仲可以用優惠價($180)購買乙支。另外係Zoe by Profex 網上店購買gülsha產品滿$250，仲即送土耳其直送限量天然玫瑰蜜，有興趣嘅朋友仔可以留意一下啦！

More information：

Facebook：https://www.facebook.com/GulshaHongKong