【養陰潤肺】沙參玉竹雪耳合掌瓜素湯

10 FEBRUARY 2020(MON)

記得藥材店叔叔曾經教過，煲多啲白色嘅藥材有對補肺潤肺都好有幫助，咁依家情況就當然要補多啲個肺，所以係閉關嘅情況下，搵晒屋企有現成嘅材料，嚟一養陰潤肺嘅沙參玉竹雪耳合掌瓜素湯啦~

合掌瓜兩個、紅蘿蔔兩條、沙參一兩、玉竹一兩、漳洲雪耳一両、南北杏約一湯匙、陳皮一角、腰果約半碗及椰棗四粒~

雪耳浸透後剪去硬蒂~

陳皮浸軟後刮瓤~

其他食材洗淨後浸洗一陣~

合掌瓜洗淨去心切塊~

紅蘿蔔去皮以滾筒式切塊~

煲內放約2.5L水，然後隨水加入陳皮~

待滾起後，加入所有材料~

繼續用大火加蓋煲約15分鐘~

之後轉慢火加蓋煲多1.5小時~

最後加鹽調味，就可以飲得啦~

以下係各食材嘅功效，可以參考一下呀(網上資料)：

合掌瓜 – 有助清熱潤喉，對有氣管不適咳嗽多痰非常好。

紅蘿蔔 - 就有助健脾消食，同埋化痰解毒。

沙參 - 有助養陰清肺及益胃生津。 

玉竹 - 則能養陰潤燥，生津止渴。 

漳洲雪耳 - 有助潤肺、潤膚同養顏嘅功效。 

陳皮 - 理氣健脾、燥濕化痰。

椰棗 - 天然有豐富纖維和營養，可補中益氣、止咳潤肺、補血等。 

溫馨提示：
- 由於個別人仕體質不同，所以大家記得煲之前了解下自己，如有疑問，請先向註冊中醫查詢！

- 雖然雪耳係好味又有益，不過都要再提多大家煲過嘅雪耳一定要即日食/飲晒，如果隔夜，經過一夜嘅浸透，佢就會放出一啲有害物，到時就有益變有害啦！