【為食豬出動】再戰DAMA純素軟雪糕

22 JANUARY 2020(WED)

今日見嚟到K11Musea，記得朋友仔提起知道DAMA出左兩款新春限定口味，咁就帶小小豬嚟食返一杯，等佢滿足一返番啦~

話說上次我獨自去偷歡去左DAMA 歎左超好味嘅貓山王榴槤純素軟雪糕，點知…當小小豬知道左之後，佢竟然話好嬲，嬲我並唔係自己去玩，佢話「明知我最鐘意食雪糕仲乜唔帶埋我去？」。

一嚟到就睇下有咩味道先啦，雖然我個人真係好懷念榴槤純素軟雪糕，不過一場嚟到就緊係食新味啦~

實在太難選擇，所以一人叫一個，小小豬嗰個就係橘子加白桃味嘅「金玉滿桃」，我就嚟一個芒果加红肉西柚嘅「楊枝甘露」~

我同小小豬都係超為食之人，加上又勁鐘意食雪糕，所以一人一杯絕對唔過分，一定食得晒呀~

兩個新出嘅味都唔錯，唔算太甜而且唔會膩，原來橘子同白桃係咁夾，小小豬就食到津津有味，話個軟雪糕好滑滑又靚靚，仲話下次要帶Daddy嚟再食過哦！