【懷舊回憶展】富衛保險：惜於微時 - 香港故事縮影展

18 JANUARY 2020(SAT)

我同老公都好鐘意睇啲懷舊嘢(年紀越大就越懷念以前嘅事同人)，知道 House1881 有一個免費入場嘅香港故事縮影展，所以就帶小小豬齊齊嚟行下，等佢感受唔同年代嘅香港，對香港歷史有更多認識~

依個「富衛保險：惜於微時 - 香港故事縮影展」一共有五個懷舊場景，第一站就係以傳統節慶為主題，有大坑舞火龍、長洲飄色同埋長洲搶包山，每一個作品都做到好有氣氛，而且香港傳統文化都係最重要的一環，一定等小小豬多啲了解依啲就本地傳統節慶呀~

當中仲有一個小展板係介紹懷舊俗語，好奇心極重嘅小小豬就當然企定定睇左好耐啦~

第二站就係以80年代香港家庭住所模樣，展示出八十年代不同居所的模型，以及香港街道縮影，啲模型真係做得好仔細，就連嗰個公屋模型嘅洗手間污糟情況都做到好逼真~

第三站就係香港懷舊特色嘅店舖，等各位大小朋友都可以體下當舖、中舊式茶餐廳及茶樓等等~

第四站就係歷史價值的文物地標，好似有舊式戲院、鵝頸橋打小人、西環碼頭加拖卡電車及前水警總部..等等~

第五站就係香港獨有的民間文化，當中展出左「鵝頸橋打小人」同埋「香港髮廊」依兩個展區等各位大小朋友嚟扮下玩下，都幾得意呀(當然...玩嘅時候一定小心輕放，因為展品都係好有價值呀~

另外，每逢週六日下午2點至5點，只要分享展覽照片到個人社交網站，就即可以免費品嚐懷舊糖蔥餅添(先到先得)~

行完展覽我地就去左旁邊嘅CaféParlour食左一個長廊懷舊香江限定下午茶，無論係咸點定甜點都好吸引~

食物好個環境仲正，如果唔係因為小小豬唔曬得，我諗坐室個感覺應該仲正，小小豬就最鐘意食紅豆椰子慕絲杯同埋Parma Ham~

佢兩父子仲睇得不知幾高興，有個Daddy邊行邊講，絕對有老人講舊事嘅FEEL....哈哈哈！

我個人絕對大力推介 House1881 嘅香港故事縮影展，件件作品都好精細，同時又可以感受唔同年代嘅香港，而且仲係免費入場，真係太正呀！

More information :

「富衛保險：惜於微時－香港故事縮影展」
日期︰即日起至3月8日
地點︰尖沙咀1881公館
時間︰1100 - 2100
活動網站：http://house1881.com/zh-hk/campaign-Hong-Kong-Story-Walk.html?fbclid=IwAR10f29RzRZthDHV_gZGlTlWqZBNMnuVfkTnpm_PO_9BbsNZ1z9TZnZ-BkE