【為DADDY慶生日】東海堂鐵人蛋糕

15 JUNE 2018(SAT)

Daddy生日都唔想去做任何慶祝活動(你懂的)，但小小豬都為左佢至愛嘅Daddy，早幾日就已經訂左一個蛋糕，為左唔好浪費小小豬心意，所以今年就簡簡單單三口子食個蛋糕啦~

其實原本嚟到東海堂店，小小豬第一眼係想俾比卡超吸引住，不過佢睇清楚介紹之後，原來係一個芒果蛋糕嚟，咁佢自己又唔食得芒果，所以最後佢就決定訂鐵人蛋糕啦~

其實當小小豬見鐵人蛋糕嘅時候，佢都到話：「Daddy係我心目中就好似鐵人咁叻，好錫我、又會教我讀書同道理、又會照顧我同保護我，所以依個蛋糕就啱晒呀！」 ~

咁除左有意思之外，個蛋糕外型又真係好有型嘅~

小小豬等Daddy吹完蠟蠋之後就急不及待要切蛋糕啦(真係唔知究竟係邊個生日)~

內裡就係一個士多啤梨慕絲蛋糕，口味啱晒小小豬啦~

依隻為食豬就緊係話超好味啦~

其實愛鍚小朋友嘅就一定係會盡自己最大努力，全心全意咁教導、照顧同保護佢地，唔洗佢地成為有咩成就嘅人，但都起碼做一個對得住自己良心有承擔嘅有用人嘛！

各位鐵人爸爸媽媽，大家齊齊努力啦！