【為努力打打氣】驚喜大富翁蛋糕

2 JUNE 2019 (SUN)

考試將至就當然要努力溫習，不過係適當嘅時候都要抖一抖先得，咁就嚟小驚喜為小小豬打打氣啦！

一個小小豬一向都係大富翁控，佢見到依個蛋糕又點會唔興奮開心呢~

話就上星期五放學時依個大富翁控行經美心，見到依個大富翁蛋糕就超級興奮，睇左好耐都唔肯走，之後仲即刻打電話俾佢DADDY，好似發現新大陸咁不停講...講...講~

估唔到依個愛豬爸做到嘢，訂左蛋糕今日俾個驚喜小小豬，溫書完就拎出嚟等佢開心下~

由期待到真係見到個蛋糕係佢面前，小小豬真係勁興奮呀~

明明係LUCKY DAD嘅父親節蛋糕，依家就變左LUCKY SON蛋糕，唔緊要啦....見到小小豬望住個蛋糕樣，相信依個爸爸係覺得咩到抵返晒呀~

心情大好嘅小小豬真係咩都得，同我影合照都順手啲又笑得靚啲呀~

有個小朋友食完蛋糕之後，唔准我棄張蛋糕底卡，話要留返下次用嚟做棋盤哦......好明顯佢係鐘意張底卡多於食.....哈哈哈！

BTW....阿仔鐘意就即刻做嘢...下次我鐘意嘅可唔可以都咁爽手呢...呵呵呵！