【轉奶粉品牌推薦分享】雅培保兒加營素Abbott Pediasure 3+

19 SEPTEMBER 2018(WED)

謝謝雅培為小小豬送上既實用又啱用嘅大仔奶粉品牌推薦，咪就係小小豬轉飲左大半個月嘅保兒加營素Abbott Pediasure 3+。依隻傻豬仲問點解姐姐咁聰明知佢轉左依隻奶粉，真係俾佢笑C...哈哈哈~

其實小小豬係由七月初開始轉奶粉，當收到公關姐姐邀請時佢都係已經轉飲左兩罐了，所以都真係幾驚訝，成件事好似係為小小豬而設(當然最好就係媽咪我又可以慳返兩罐買奶粉錢...哈哈)。

雖然小小豬已經係八歲嘅小朋友，難得佢唔抗拒仲好願意，所以我一直都有Keep住俾奶粉佢飲。其實咪就係因為佢食極都係好似唔長肉，又仲係"矮得得"，所以諗住飲多啲奶有多啲唔同營養，可以幫補下平日三餐嘅吸收。

基本上小小豬都係飲開佢BB時飲用嘅奶粉品牌，飲左四號仔都有一段超長日子，唔係話佢唔好，只係覺得係咪應該換啲大哥哥奶粉會比較合適呢？再加上暑假嘅時候小小豬嘅胃口真係奇差，平日半碗飯仔都話食唔落，加加埋埋各種原因，我地就決定試下轉奶粉，睇下會唔會有啲衝激。最後同DADDY一齊研究，再加埋睇開嘅家庭醫生意見，決定轉用雅培保兒加營素3+啦~

雅培保兒加營素3+減甜配方就為小朋友提供蛋白質、鈣同維他命D，日日飲可以幫助強健骨骼，同時打好基礎令肌肉有更良好嘅發展，咁就可以有助改善身高、體重、免疫力(依啲咪小小豬最需要嘅嘢...哈哈哈)~

小小豬都已經飲左差唔多兩個月(只係外遊星加坡嗰星期冇飲到)，暫時睇佢嘅身高同體重都好似同平時差唔多，不過最驚喜就係佢胃口好左好多，由佢暑假初只肯食半碗飯，到依家係可以食到一大碗飯連好多餸，有時出街食午餐都可以自己一個人食晒一整份。睇見佢咁有食力，我都超級放心~

有食力就自然好快會長高長肉，咁小小豬脫離排骨仔嘅日子就指日可待啦！

More Information : 

Website：https://www.abbottmama.com.hk

Facebook：https://www.facebook.com/abbotthk