YEAH...第一期儲齊啦

7 JANUARY 2015(WED)

第一期7-Eleven嘅車仔已經換齊晒啦!!

今朝個小小豬玩玩下啲車仔時，將啲車仔就排晒隊，然後叫我幫佢同啲車仔一齊影相。見佢好少咁主動，所以就順下佢意影返張啦~

其實7-Eleven啲儲印花換公仔活動一直都有，不過都係第一次咁出行全家力量去換印花，原因....當然係因為小小豬啦！

事緣有一次同小小豬去7-Eleven食燒賣時，小小豬見到嗰一SET花車展品就同我講話好靚，仲問我可唔可以買返屋企。嗰一刻我就同佢講話係要儲印花先可以換到，咁小小豬就話佢要儲印花換MICKEY。

開頭都只係打算換幾隻俾小小豬，點知...換吓換吓，各位家庭成員又忍受不住小小豬WHATSAPP發功拎印花，最後就用印花換左依幾隻啦~

仲有兩隻聖誕特別版，不過原來只係擺設唔係車仔嚟，有少少失望添~

依三隻係朋友仔轉贈嘅~

仲有兩隻係屋企附近嘅格仔店買，每一隻都係$40，見好似幾抵買，當然唔洗諗即刻買啦~

哈哈哈....依套車仔除左係小小豬嘅車隊之外，仲係小小豬嘅拍攝對象，睇小小豬真係好認真同佢地影相呀~

小小豬啲作品都算見得下人呀~

之後仲話佢地係學生，小小豬話自己係老師，同佢地講故事呀~

坦白講，如果要計整套車仔嘅花費都真係幾貴，好在各位家庭成員幫助等我可以減輕不少。不過其實見小小豬咁鐘意，又有咁多玩法，所以都算啦，滿足一下小小豬啦(慶幸7-Eleven都唔係成日出迪士尼公仔精品，如果唔係我就真係大破產啦！)

嚟緊又開始換第二期，今次仲慘...因為有小小豬愛嘅大眼同毛毛，所以又要開始努力啦！