餅印?

20 OCTOBER 2010 (WED)

小豬媽成日都話小小豬好似我細個時嘅樣，仲幫小小豬改左個花名叫縮水黃XX(我個中文名)，但我都只覺得係個咀仔同鼻樑位似，但又未去到小豬媽所講嘅餅印一樣。

不過當小豬媽係屋企執嘢時搵到一啲我細細個嘅BB相俾我睇，原來又真係幾似，哈哈…當然小小豬一定係比我醒目好多啦！有一張直頭以為嗰個係小小豬嚟添(不過嗰張相太黑SCAN唔到)。

當年約七個月左右嘅小肥豬~

今年兩個多月嘅小小豬~

大家又覺得似唔似呢？其實都仲有好幾張都好似，等我有時候再同大家分享吓啦！