血拼吉之島

23 MAY 2010 (SUN)

吉之島係依幾日又有八折優惠，雖然都為左小小豬買買埋埋好多嘢，不過都總係覺得好似唔夠咁，所以今日就再去行吓，睇吓有冇得啱心水嘅嘢啦！

其實今次去行吉之島主要都係想睇吓BB車，我地係出面都睇左好多，不過都總係心大心細咁唔知買邊部好。最後大肥豬就不停上網搵資料，終於都決定左買COMBI嘅車仔。

雖然今次COMBI BB車都只係得八五折，但之前都應該唔會再有特別折扣優惠，所以就決定買左佢。不過要等到七月先有貨送到呀~

之後就睇吓衫仔先，同我對上一次買嘅款式都係差唔多，所以就冇買到。不過就買左一包被同睡袋，有得替換嘛~

最後買左啲嬰兒專用嘅清潔用品~

今次血拼之後，好多BB嘢都應該買齊，都只係差啲濕碎嘢，咁就唔洗心掛掛咁諗仲有乜未買啦！