11 MAY 2010 (TUE)
依幾日都幫小小豬收到小禮物,首先係早前糖糖送嘅幾件衫仔~
另一樣就係今日收到同事B小姐送嘅襪仔~
唔係收到份禮物,我都唔知原來我都未買過依啲襪仔俾小小豬,成日都掛住買衫,其實都應該仲有好多嘢我係未買或者係買唔夠用。除此之前,我產後用品仲係完全未買過添。
小小豬出世嘅日子就越來越近啦,趁住我依家都算有精神,真係要開始買番啲用品先,唔係到時都唔知點算好啦!
我依個初哥其實有好多嘢唔識,雖然都已經成日去啲網站度睇,不過都總係有啲嘢係唔明,所以唔知有冇啲媽媽級朋友仔可以介紹啲好用嘅嘢/牌子俾我同小小豬呢?
有你地嘅推介,等我唔洗隨便地買就買錯嘢...係度講聲麻煩晒先啦..哈哈!
沒有留言:
發佈留言